هل اجد من يرهم تشغيل جيب شيروكي 1993

اهلا




ما هو مطلوبك

 لو عندك صورة حتى اسأل عنها

اللي اعرفه انه بعض الشيروكيات الموديلات القديمه يركبون لها سلف جمس 

صور لنا القطعه او اسمها او صوره مشابهه او رقمها نبي اي معلومه وابشر بالسعد 
هذا الموقع فيه كل قطع الشيروكي الي تتوقعها 
http://www.jeep4x4center.com/
ابحث فيه اسم سوتش التشغيل بالانجيزي هو ignition switch
اذا تحب اطلبها لك وارسلها حاضر وبدون ريال زياده 
لا تنسانا من الدعاء 

أنا عندي شيروكي خربان طايح 93 اتفقت مع زول ياخذه تشليح 

المعذرة يا اخوان عن الصور .. تم رفعها اليوم 

ابو فرهود بيض الله وجهك ياغالي .. المشكلة ماني عارف حتى رقم القطعة حتى ابحث عنها في النت ولا عندي وقت اروح اسال عنها في الوكالة 
لكن مانستغني عنك ياغالي ان ما وصلت لحل فأكيد راح احتاج وقفتك يالذيب


اخوي احمد 
اذا ما بعد عطيته السوداني بشتري منك الدركسيون كامل او تدلني على السوداني وانا بشتريه منه اذا سعره مناسب 
ارسل لي تلفونك اكلمك يا غالي


مصفي النية 
الله ينور دربك .. ودي لو تعرف توصلني لشخص يزبطه لي لو عندك خلفية عن الموضوع

والله ياشباب تعبت معه عشان قطعة موب موجودة وعطلانه بسبب الدلخ الي بالتشليح وقفتها عنده يصلحه وضيع علي المفتاح والسلف  الله لا يرده هذا الي اقدر اقوله .. وهقني من جد
المشكلة وديته عند كهربائي يزبطه لي وعجز فيه ويقول الترس مكسور بسبب ان اصحاب التشاليح يشغلون السيارات بالمفك ويكسرون التروس

رجعت لنفس الي خربه علي بالتشليح وعطاني دركسون كامل 
وديته عند الكهربائي قال الترس مكسور بنفس السبب السابق

حسبي الله عليهم اهل التشاليح الي ما يخافون الله بسيارات الناس وحلالهم

هذا رقم الزول مختص تشليح شروكيات عنده حوالي 6 

0562985843

في جدةةة طبعها

الله يجزاك خير وانا اخوك ..
ليته بالرياض كان وفر علي 

بكلمه بكره واشوف

شوف لؤ احد من اقاربك وﻻ اصدقائك يرسله لك تساهيل ان شاء الله

اخوي حاول تشيل السنه اللي تقفل الدكسون او تكسرها او تلغيها عساس لايقفل عليك

وروح اقرب محل مفاتيح وخليه يسويلك ف الديكور حق الطبلون او جنب الدقمه سويتش ثاني

او يسويه لك الكهربائي

الشغله قد سويتها في جيب بغا يكلفني فوق الالف ريال من غير شغل الورشه

وسويت الحركه ذي ماتعدت١٥٠ ريال،، بس اهم شي ان الدركسون لايقفل معك

الف شكر اخوي احمد الهذلي 
اتصلت عليه وارسلت له الصورة على الوتس آب .. يقول بكرة يرد لي خبر بأذن الله تعالى

ما قصرت اخوي احمد بيض الله وجهك

الأخ الكريم go 34 
كيف اشيلها ؟؟
دلني على الي زبطها لك تكفا .. اذا بيزبط لي هالشغلة اكون وفرت على نفسي هالعناء كله 

ياهلا ومرحبا فيك اخوي عزيز وياليت تزيد تتصل وتتأكد لأن الزول كسلان كذا مره اتصل وسأل بنفسي

كلمته مره ثانية من شوي قسم بالله احاول افهم منه كلمتين على بعض ما فهمت غير ( يديك العافية ) هههههههه
بس حسيت انه يقول بدورها لك وارد لك خبر !! عاد مدري بتصل به المسا مرة ثانية لأن كلامه غير مفهوم او غير واضح تحسه يتكلم وهو منكوس على راسه

هههههههههههه اهم شيء يوفر القطعه بس